Mezaretta

In giumitria, a mezaretta hè l'insemu furmatu da un puntu annantu à una retta data è una di i dui parti in i quali 'ssa retta hè divisa da u puntu.

Una difinizioni furmali hè a siguenti: dati dui punti O è P esisti una retta r chì i cunteni, a mezaretta difinita da O è P hè l'insemu di i punti di a retta r cumpresi trà O è P (inclusi i stessi punti O è P) è di i punti di r tali chì P hè cumpresu trà O è u puntu cunsidaratu. U puntu O hè dittu puntu d'urighjina di a mezaretta. Ogni mezaretta hè univucamenti ditarminata da l'urighjina è da un qualunqua antru puntu soiu. Presu un puntu Q di a retta r tali chì O hè cumpresu trà P è Q, si hà ch'è O è Q definiscini un'antra mezaretta ditta mezaretta opposta à r.

In u casu d'un puntu annantu à una retta uriintata hè pussibuli di dà a siguenti difinizioni di mezaretta: fissatu un puntu O annantu à una retta uriintata, si chjama mezaretta u suttuinsemu di a retta furmatu da u puntu O è da tutti quiddi chì u suvitani (oppuri chì u pricedini, par uttena a mezaretta opposta).

Spazii vitturiali

Esisti una difinizioni più generali ch'è mezaretta valida in spazii vitturiali:

Sighi $V$ un spaziu vitturiali. Presu quantunqua un vettori $v\in V$, una mezaretta chì esci da l'urighjina s hè l'insemu di i multipli pusitivi di $v$ più l'urighjina.

Una mezaretta hè inveci un qualunqua insemu chì sighi u traslatu (sicondu un qualunqua vettori $u\in V$) d'una mezaretta chì esci da l'urighjina.

Da vida dinò

• Retta
• Mezupianu
• Mezuspaziu
• Angulu
• Angulu solidu
• Toru (giumitria)
• Giumitria piana
• Angulu rettu
• Catetu
• Perimetru
• Sigmentu
• Triangulu isusceli
• Triangulu equilateru
• Tiurema di Pitagora
• Iputenusa
• Tangenti
• Trigunumitria
• Triangulu
• Uttaedru

Fonti

'Ss'articulu pruveni in parti o in tutalità da l'articulu currispundenti di a wikipedia in talianu.